“U ħolom, u ra sellum wieqaf fl-art bil-quċċata tiegħu fis-sema.” (Ġen 28:12)
“Araw, ġej dak li joħlom.” (Ġen 37:19)
“Danjel ħolom ħolma, u kellu dehriet f’moħħu waqt li kien mimdud fuq friexu.” (Dan 7:1)
“Deherlu anġlu tal-Mulej fil-ħolm u qallu: “Ġużeppi, bin David, xejn la tibża’…” (Mt1:20)
Dawn is-siltiet, meħuda mill-Bibbja, għandhom x’jaqsmu mal-ħolm. Imma l-ħolm mhux xi ħaġa tal-moħħ? Veru li xi drabi Alla ikkuminika mal-bniedem permezz tal-ħolm? U jekk veru, x’tip ta’ ħolm kien? U lili jista’ jkun li Alla qiegħed ikellimni permezz tal-ħolm?
Fil-laqgħa ta’ nhar il-Ħamis ser niddiskutu l-Ħolm fil-Bibbja, li ser titmexxa’ minn Dun George Schembri.